موضوع غريب ((اقوى فقشه))

[A.M.A]

هلا وسهلا و مرحبتين هلا باللي يسرون العين

بصراحه هذا اول موضوع اكتبه في هذا المنتدا

انشالهع يعجبكم مع انه غريب شوي

ممكن تعطوني رايكم

اقوى فقشه = اقوى نصبه

=-=-=-=-=-=-=-=-=-=-=

أنا في يوم من الأيام حبيت اروح مع شباب للقنص ((مسوي طلال الرشيد -الله يرحمه)
المهم وإنا طالعين ماشين بس انا ما كنت ادري وين بنقنص يعني بأي منطقه
المهم أنا أنوم وأصحى وبعدين نمت وطولت في النومه
ويم قمت لقيت نفسي نايم جمب شجره و الرشاش والخرازه جنبي وببسي ((عشاني أحب الببسي))
وفجأه لقيت النمر العربي فاتح فمه بياكلني قلي وش أسوي الرشاش بعيد شوي
والنمر مافيها باكلني بياكلني
وأنا مسوي أني الين ألحين نايم فاتح عين ومغمض عين تقريبا زي كذا
والمهم قلت مافيها يا أنا ياهووووووو
وأنا أمد يدي وأدخلها في فم النمر لين وصلت لين ذيله وأنا اقلبه
صار الشعر حقه جوى واللحم والعده بره




=-=-=-=-=-=-=-=-=-=-=

انشاله تعجبكم النصبه
واتمنى تعطوني رايكم وتكملون معنى ((ابي اعرف))

وين يوصل خيالكم;)

[هايابوسا]

تكفى اترك لي شوي من الكبدة..
يقولون كبدة الفهد العربي شي..
شوي بافلم بك يا A.M.A

[فارس]

هع هع ه ع الله يرجك

عالعموم انا صار لي مثل موقفك لكن مع أسد على كورنيش جده , بصراحه هو كان بياكلني , بس تعرفني انت ,, كل شي بالتفاهم , قلت له شف , ترا بتاكلني من جد بيجييييك غصّه وقلق وأشياء انت منت بحاجتها , يعني اتركني احسن لك
قال لاااا يا شيخ روعتني , قلت له أقووول شكلك ولد مهايطي ,, وانا اللي أمسك شووشته وأصلخ له جبهته ,, وعلقته على الرابتر من ورا ,, وقمت أرفّع به ,, لين طلعت الحقد اللي فيني ,, آخرتها قصّيت ذيله وحطيته ميداليه للرابتر عندي ,, بس من جد أحس ان ذاك اليوم ماااالي داعي يوم اذبحه
كان المفروض كل شي يجي بالتفاهم بس الرجال ماخلا فيها تفاهم ,,,,
تحياتي
فااارس

[A.M.A]

ايييييييييييييييييييييييييييه يا اقوى واحد


شكلك اقوى منيبالفقش


طيب شوف الفقشه

ههههههههههيييييييهاااااااااااااااااا

[A.M.A]

طيب وشرايكم بالفقشى


اتحداك تجيب اقوى منها ((فارس))

عنديثنتي بحط القصيره بعدين الطويله((فلم هندي))

=-=-=-=-=-=-=-=-=-=-=-=-=-=-=-=


وندخل في الموضوع (الطياره)
=-=-=-=-=-=-=-
طلعنا للربع الخالي معنى همرييييييييييييييييييييييييييييييييييييييييين وجيب باترول
المهم وأنا نقنص (على بالنا طلال الرشيد)
وأنا نمشي لنا 12 ساعه ما وقفنى ولا مره والجيب ولعت اللمبه حقت البنزين
وش نسوي وش نسوي
مافي محطه ولا شي
ووقفنى كلنا وفكرنا أننا نرسل سياره للمحطه والباقي ينصبون الخيام ونجلس
كلهم رفضو قالوا وإن ما لقينا محطه وخلص البنزين علينا كذا انتم بتموتون من الجوع وأنا بعد
..... و فجأه وأنا منسدح على الأرض لمحت طياره قلت شباب طياره
قلت شغلو شغلو السياره ويالله نلحقها قالو البنزين قلت شغلو وبس
والمهم انا كنت اسوق قلت للرديف اللي معنا ((قويه مره))
تعال سوق وأنا أطلع مع الطاقه واليي كان وراي جالس قلت له افتح التانكي
قال وش تسوي قلت أفتح التانكي وبس
والمهم وأنا اطلق رصاصه على التانكي حق الطياره وصار يصب بالتانكي حقنى
لين عبى النتانكيين ((فـــــــــــل))

قلت وش أسوي نمشي ونخلي الطياره التانكي حقها مخروق
وأشوف ولد عمي ياكل علك وأنا أصفقه وأخذ منه العلك وأنا أحطه بدال الرصاصه
وأطلقها وأسد التانكي


والمهم وقفنا فرحانين ونجي بنشغل السياره
وعيت تشتغل أثاري اللي عبيناه مهب بانزين قالو الشباب الرحله هذي شؤم من أولها خلينا نرجع

ورجعنا وأنتهت الرحله




=-=-=-=-=
احسن ان الموضوع طويل

[فارس]

طيييب خذ ,, هالفقشه اتحدااااك من جد تجيب اقوى منها ,,,
مره صار لي بعد مثل موقفك ,
ياخي دايم مواقفك تصيرلي يا سبحان الله ,,,
المهم , وانا اتمشى بالربع الخالي بالفياقرا حقتنا ,, واشوف لك ذاك الحصان الابيض ,, مير يقول , ياحييييييف راحت أزمنه الحصانات والحركات ذي ,,, وقال الحين وش عاجبك بالسياره , قلت ياخي , انا ماراح اقول لك شي ,, بس تقاوم ؟
قال قدّام نعنبو ورا ,
المهم وانا اللي ادعس الكلتش واحطها بالثاني (لاحظوا كلتش بالفياقرا) وانتم ماتدرون ليه حطيتها بالثاني (عشان لا يرفع) المهم وانا اللي ادعس وأكتم له والا الحصان معي , ماقمت عليه ولا قام علي ,,,, يؤ ,, انا استغربت ,, وانا اللي اقول ياولد الشغله ماااااااش ما ظبطت , وانا اللي اثبت السرعه , واطلع من الفتحه وانقز على الحصان واغمض عيونه لين خليته يقشع في شجره (في الربع الخالي) والمهم يوم قشع انا نطيت على الفياقرا ودخلت من الفتحه , وتعدّيته (طرحته بالقومه) ,, بعدها حرّمت أقاوم احصنه وحركات ,,, بصراحه يعني , مقاومه مثيره ,, لااااا والمشكله اني مصورها بالجوال فيديو ,,, بس المشكله انمسحت (اشوا انكم تعرفون وش نوع جوالي) هههههه ,, المهم هذي السالفه ,,, وبلط بحر , تجيب اقوى منها ,,,,

على فكره ,,,,, ترا الفياقرا 4*4

[اميره]

طيب انت النمر الي شفته حقيقي ولا بس من راسك

[A.M.A]

هههههههههههههههههههههههه


اقول ترى كل اللي كتبناااااااااه فقش
لاحد يصدق
ولا لا فارس


على العمووووم شوفووووو الفقشه اللي بتجي

[فارس]

ههههههههههه ,, أميره ترا قاعدين نفقش (ننصب) يعني استري ما واجهتي ههههه

[zzzzzzn]

مشكور على الفقشات .. بس بعض الناس مشكله

ما يعرفون ( فقشــــــات ) لازم تفسرونها وش معناة

الكمله ....ههههههههههههههههههههههههههههه


اجل ما شفتو وش صار لي في الاجازه اللي راحت


الحمد لله ان ما كان احد معاي


ولا كان راح فيها من الخوف ...



اقول ... لكم الســـــالفه ..... بس صدقوني


مافي فقشه ... بس ... بكش شوي





كنت رايح للبحرين علشان .. اشتري عود

مو عود حق الطرب


لا


عود .. البخور ... يمدحون عود البحرين



المهم ...



وانا ماسك خط الدمام ...



ونسيت ان امن الطرق قاعد لنا بالمرصاد ...



المهم .. شاب على الجيب ..


ماه جيب .. يعين ( مخبات ) لا

هذي سيارتي .. يسمونها جيب


يعني لاند ... مقطعة الاسفلت والصحراء


في وقت واحد .. المهم



ماكان معاي مويه علشان اشرف


وتعرفون الصحراء .. جفاف مافيه لا شجر


ولا ماء ولا حليب ولا نياق ولا خرفان



المهم نرجع لموضوعنا الاول ..



لقطني وكنت ماشي تقريبــا 280 يعني


الطبلون كله ولف العداد مره ثانيه الين وصل


الى الرقــم 60 مره ثانيه ..


220 العداد الاساسي + 60 = 280


وهذي حقيقه ماهي خيال


يوم شفته انه لقط سرعتي ... قلت يا ولد


امسك خط اليمين وهدي السرعه


وتوني ماسك يمين الا وذاك البعـــيـــر


بعير يعني ( جمل ذكر ) .. اخاف ما احد


يفهم وش معناة بعير .....هههههههههه



وكانت سرعتي على 180 وهو قدامي


وانا ولله الحمد كنت رابط حزام الأمـــــان




بس ما تعرفون شو صار









بعد ان حاولت وارد نمره والثاني والاول والريوس



بس وش رايكم في حركة الريوس ...




المهم نرجع لموضوعنا




الحمد لله تفاديت هذا الخبل .. اللي هو ( البعير )


وكانت الناقه .. تطل من فوق الجسر ..



وهو مسوي بيضحي علشان عيونها ..



وتفاديته ... ولله الحمد ... واطل في المرايه


ابشوف وش صار للبعير ...



الا هو .... متمدد على الارض ....




قلت ابرجع اشوف وش صار ....



عسى ما مــات او شي .....


والله وادق الرويس ( يعني ارجع ورا )


يعني رجعت اشوف وش صار .....



والقـــى البعي متمدد على الارض ماسك بطن



يضحك ... ويقول لي .. والله انك رهيب ...



والله انك سواق طاره ...



وانت والله قووووووود علشانك رابط حزام الأمان






وش رايكم في القصه .. قصدي البكشه


قصدي الفقشه ..








المهم انتبهو اذا سقتو السياره اربط حزام الامان







تحيـــ :D ـــــاتي .... ززززززن

[A.M.A]

اهاااااااااااااااااااااااااااا

اجل 280

طيب طيب الوعد الأسبوع الجاي نطلع البر سوى
ونبي نشوف جيبك كيم يجيب

هههههههههههههههههههههههههههههههههه

[فارس]

قوييه هههههههه

[zzzzzzn]

اتفقنا يا ... A.M.A

نتقابل يوم الخميس الساعه 2 العصر

تعرف الدوار الثاني اللي عنده محطه بنزين

مقابل الفيصليه ... طريق الثمامه

قبل الفروسية .... اذا غابت الشمس

مســـيان ...


نتقابل ... او اصور لك العداد واحطه لكم في المنتدى


او الافضل


اكلم بوش .. علشان يسمح للــ CNN الاخباريه


تصورني وانا مقلع ...

بس اهناك مشكله




ما راح يقدرون يصورون



الجمـــــــــــــــل



لانه ...



مات



من الضحك ...




عموما ... شكرا لك ولفــارس على التفاعل مع


الفقشه ..




تحياتي ... ZZZZZZN

[A.M.A]

اقول اخووووي ZZZZZZN

بصراحه اللي بدخل ويقرى ردك بينلحس
يعني بينهبل

[zzzzzzn]

المهم لحني بعي يومين رجال سنافي


وقال شفتك وانت ماشي 280


بس لازم تنتبه شوي لا تسرع اكثر من كذا


وقال في الجيب قصيدة زينه


شوفو وش قال



راكب اللي رابكه يا ركب عطـه
دوب راس البنـص في راس المواطـي

وقـفـه ثم فللـه عند المحـطـه
فـلل الأول وحـتى الاحـتيـاطـي

ما هو جمس لا مـلا تانكيه لطـه
ريـحة البـنزين لا وقـف تعاطـي

المريكـي لا وقـف عنده توطـه
ريحـة الأمريكي مثل ريـح الأباطـي

يامقفى الجمس يا مقفى الضـرنطه
تـارع متـورض عـلى البـلاطـي

جيب لان جروز لا من شفت خطه
رسم يابـاني كـثر فيـه الشخاطـي

يطرب القلب الهـواوي زين قطـه
ونتـه لـدرويلـه مـع القطـاطـي

روغته روغة سمك لا شاف بطـه
الله اللـه لا ضـرب قـاع هباطـي

قطه إلا جيت السهال الجيد قطـه
بـارع مـثل الـفـدائي ما يهاطـي

يشرح البيدا كما شـرح الموطـى
يعرفـه عـرف الحسـاوي للقاطـي

راكبـه زود الا ركبـه ينطــه
ينشـى آزار المـغـامر باعـتباطـي

يجدع شـماغه على كتفه يحطـه
الزقـم ما يغـبره بشـارع غطاطـي

بالنفـود ممـوه في لون حنـطـه
تقل ضابط جيش في وضع انضـباطي

زينتـه لا شـاف علي راح نطـه
راس عيـطـا ما يعـاط ولا يحـاطي

الشريطـي يعجبه بالشـاص لقطه
يشترط في مكسب الجـيب اشتراطـي

صنعة اليابـان ما صنعـة لطنطـا
ولا يسـوقـه بالصيعـد ابو المعـاطي

لو ركبه أبو المعـاطي راح أو نطه
علق البوري ياطـاطي طاطي طاطـي

يا سعادة البيع يابـاشه يالاسطـه
ما هـو بيجـو سلته وز وطماطـي

للخليـج مصمـم بديه وجنطـه
للمهـالك والوعـر صمم ضباطـي

ضبط مضبوط مضبط فيه ضبطـه
ضابط لأجـل التحمـل والنشاطـي

العنيـد بقـوته يـازين معـطـه
يجلد البيـدا كمـا جـلد السياطـي

منوة اللي كمـل العـزبه بشنطـه
ما يعرف أمن الطـرق هي والنقاطـي

انطه اللي يطلبـون الصيت انطـه
القروم اللي ما همهـم خطو اللغاطـي

ما يصفون الحطب صـف المحطـة
يرفسـون بنـارهم عجـز الأراطـي

هم وسام الجيب هم نوطه وبنطـه
يركـبـون نـس جميـع الارتباطـي

ميزته قهر المـواتر رفـع ضغطـه
ساحـب من تحتهـم كل البساطـي

المواتـر صابـها خرعـه وجلطـه
تقل مصعـوقه بكهـرب ألف واطـي

خوفه جيب شعـط بالبيد شعطـه
منتهى التخـويف قـو الانشعاطـي

ان مشى بالنـط عـد النط نطـه
وان بغيتـه للشـواطـي للشواطـي

وان بغيت تسجي لسـليم وبلطـه
نفذ المطـلوب واللـي لـه يناطـي

قو قرطه للحصـى يا قـو قرطـه
يشغـط الديـان شعطك للخياطـي

المـواتـر عنه جنـود وشـرطـه
وهو معـقـب للمـواتر بالبساطـي



وسلامتكم



انا افكر اني ارد عليه بقيدة بس ماهي طويله



عموما لنا لقاء ثاني



تحياتي .... ززززززن

[خيال]

خخخخخخخخخخ الله يقطع شيطانك قويه الفقشه...

تحياتي