هايابوسا
03-16-04, 07:51 AM
السلام عليكم ورحمة الله وبركاته
واسعد الله صباحكم ..
كنت امس في احد مراكز بيع هواتف الجوال وخابرين اخوكم في الله ملقوف ومسولفجي (على باله شخص اجتماعي) وسالفة تجيب سالفة مع راعي المحل .. والا اساله عن جوالكم الجديد اللي تقول عنه (باندا او دبدوب) المهم اقوله كم السعر؟؟
قال الاسبوع اللي فات كان بـ 1750ريال واليوم وصل 1980ريال.
قلت ليه؟؟
قال: ماتدري عن الخبر الجديد؟؟
عاد اخوكم في الله على باله سياسي وباستملح اني فاهم الدنيا... ايه دريت وش دعوة!! رشحوا فلاديمير بوتن فترة رئاسية ثانية..
قال: لا يالمصفوق -يمون الرجال- وش دخلنا في اليابان؟ - على باله فاهم من هو فلاديمير بوتن - ياخي القرار اللي صدر من مجلس الوزراء؟؟
قلت له: الله يعز الحكومة!!!! وش دخلنا في السياسة يبو؟؟
قال: ياخي قرار ياخي وشفيك خواف ياااااااااااخي..
قلت وش القرار اخلص علينا ؟؟
قال : جوال الكاميرا ممنوع ..
قالت وش الجديد يالهدر -ارد له قولته لي المصفوق- ؟؟؟
قال: لا الحين قرار قوي ومافيه يمين ويسار اي نقطة تفتيش يشوفون معك جوال كاميرا ينسحب منه او في المطار او اي مكان يشوفك رجال امن..
قلت: من جدك انت؟؟
قال: لا من جدتي!! من متى المعرفة عشان امزح معك؟؟
قلت والله مدري عنكم ياشريطية الجوالات يمكن مسوين فيها بورصة ترفعون سعر الجوالات باثارة الاشاعات ؟!!
قال: لا .... القرار اكيد.!!
وعلى طول اخوكم في الله كان في يده (المسكت واحطه على الصامت وفي جيبي واتلطم واقضب الباب واتلفت يمين ويسار وعلى البيت.
الزبدة : اذا كان كلامه صحيح فانصحكم بيعوا جوالاتكم واشتروا (العنيد) والمثل يقول قديمك نديمك..
وعلى فكرة القرار ماهو مجحف طالما ان هناك ناس يسيئون استعماله ويصورون البنات في الاسواق (مثل الفيصلية يابعض الناس) ولا البنات اللي يصورون مدرساتهم او زميلاتهم وينشرون صورهم في النت بغرض الانتقام والتشهير.
ومشكورين حبايبي ..
واسعد الله صباحكم ..
كنت امس في احد مراكز بيع هواتف الجوال وخابرين اخوكم في الله ملقوف ومسولفجي (على باله شخص اجتماعي) وسالفة تجيب سالفة مع راعي المحل .. والا اساله عن جوالكم الجديد اللي تقول عنه (باندا او دبدوب) المهم اقوله كم السعر؟؟
قال الاسبوع اللي فات كان بـ 1750ريال واليوم وصل 1980ريال.
قلت ليه؟؟
قال: ماتدري عن الخبر الجديد؟؟
عاد اخوكم في الله على باله سياسي وباستملح اني فاهم الدنيا... ايه دريت وش دعوة!! رشحوا فلاديمير بوتن فترة رئاسية ثانية..
قال: لا يالمصفوق -يمون الرجال- وش دخلنا في اليابان؟ - على باله فاهم من هو فلاديمير بوتن - ياخي القرار اللي صدر من مجلس الوزراء؟؟
قلت له: الله يعز الحكومة!!!! وش دخلنا في السياسة يبو؟؟
قال: ياخي قرار ياخي وشفيك خواف ياااااااااااخي..
قلت وش القرار اخلص علينا ؟؟
قال : جوال الكاميرا ممنوع ..
قالت وش الجديد يالهدر -ارد له قولته لي المصفوق- ؟؟؟
قال: لا الحين قرار قوي ومافيه يمين ويسار اي نقطة تفتيش يشوفون معك جوال كاميرا ينسحب منه او في المطار او اي مكان يشوفك رجال امن..
قلت: من جدك انت؟؟
قال: لا من جدتي!! من متى المعرفة عشان امزح معك؟؟
قلت والله مدري عنكم ياشريطية الجوالات يمكن مسوين فيها بورصة ترفعون سعر الجوالات باثارة الاشاعات ؟!!
قال: لا .... القرار اكيد.!!
وعلى طول اخوكم في الله كان في يده (المسكت واحطه على الصامت وفي جيبي واتلطم واقضب الباب واتلفت يمين ويسار وعلى البيت.
الزبدة : اذا كان كلامه صحيح فانصحكم بيعوا جوالاتكم واشتروا (العنيد) والمثل يقول قديمك نديمك..
وعلى فكرة القرار ماهو مجحف طالما ان هناك ناس يسيئون استعماله ويصورون البنات في الاسواق (مثل الفيصلية يابعض الناس) ولا البنات اللي يصورون مدرساتهم او زميلاتهم وينشرون صورهم في النت بغرض الانتقام والتشهير.
ومشكورين حبايبي ..