بطوله الشيخ جابر الأحمد الصباح الدوليه للدراجات الرباعيهmarch

[oscarq8]

بطوله الشيخ جابر الأحمد الصباح الدوليه للدراجات الرباعيهmarch

--------------------------------------------------------------------------------

يسر النادي الكويتي الرياضي للسيارات والدراجات الآلية

دعوتكم للمشاركة في

بطولة جابر الأحمد الدولية اللدراجات الرباعية ATV DRAG


على النحو التالي :

الخميس 29/3/2007

الجمعة 30/3/2007



www.q8racing.com

Kuwait, Tel.: 5355511/22 - Fax: 5355566
mobil:965-913-4567

(6) فئات :
- فئه المفتوحه (البرو)
- فئه 10مم
- فئه 7مم
- فئه 4مم
- فئه ستوك
- فئه الفور ستروك
جوائز قيمه -التسجيل واللأشتراك من غير رسوم

[Bringee]

مشكور بالاخ oscarq8 على موضوع

انشاء الله ان البطولة تكون ناجحه
ونشاء الله يتلافون الاخطاء السابقه

برنجي

[MR.T]

يعطيك ألف ألف ألف عافية أخوووي oscarq8

و إن شاء الله نشوف بطولة من أنجح البطولات

بالتوفيق

[Professional]

يعطيك العافيه اخوي على هالخبر

[GLORY]

تسلم على الخبر اخوي..

تحياتي..

[azooozi]

عندي إستفسار عن البطولة هل هي أكيدة أولا لأنها تأجلت مرتين؟؟

[مازن]

عندي إستفسار عن البطولة هل هي أكيدة أولا لأنها تأجلت مرتين؟؟

اعتقد انها اكيده

وشكرا على الموضوع

[Mr.Banshee]

يعطيك العافيه على هذا الخبر الروعه لانه رد لقلبي البهجه والسرور على قولتهم اولا لاني ناطر هذي البطوله من العام لان ماحالفني الحظ وماكان البانشي جاهز والخميس اللي طاف كنت مشارك بسباق اتحاد الشرطه بس للأسف صار شي غريب وعجيب في محاولتي الثانيه طفى البانشي وماشتغل على خط البدايه فعتقدت ان البلاك او البست او ابعد احتمال الفلاي ويل تتوقعون شنو كانت المفاجئه ؟؟؟؟؟
احد ساحب واير البلاك وماكان في كهربا وبالتالي ماشتغل عموما :> ان شاء الله يكون السباق بعد اسبوعين وانا اول المشاركين وهالمره بدراجتي ...

[azooozi]

شكراً أخوي مازن على الرد السريع وأتمنى إنها تكون أكيدة ويتأكد إعتقادك|172|

[Mr.Banshee]

شباب أحمل لكم بشرى ساره وبعد طول انتظار ان شاء الله اخر هالاسبوع البطوله التجريبيه لبطوله الشيخ جابر والاسبوع القادم راع يكون بشكل رسمي أي راح يكون فيه مشاركه دوليه والاسبوع هذا بس محليه والاشتراك مجاني من غير رسوم بس استلم استماره البيانات من ناد السيارات اللي في منطقه قرطبه على الدائري الرابع وراح تتسجل اوتوماتيكي بالاسبوع اللي وراه واتصير مشارك بالبطولتين :> وراح يكون كل واحد عنده كرنيه خاص ولاتنسون رقم الشاصي والماكينه ترى مطلوب بالاستماره ولا تنسون عدد 2 شخصيه 4×6 وحده حق ملفك والثانيه للكرنيه وهذا الخبر الاكيد لاني اليوم رحت وسجلت وراح اقولكم الشروط بس هذي الشروط للبطوله التجريبيه وماعندي خبر اذا راح تتغير هذي الشروط للبطوله الدوليه بسم الله ..

اولا راح نبتدي بفئة الفور ستروك:
كل شي مسموح ماعدا :
1-التيربو
2-الغاز
3-تخفيف الشاصي

الفئة الثانية الستوك وسموها ستوك ليمتد
كل شي مسموح ماعدا:
1-كهرباء بدون فلاي ويل مثل (pvl)
2-اقزوز خارجي
3-كاربوريتر كحول
4-تغير حجم ذراع الوكاله
5-تغير حجم كرنك الوكاله
6-تغير الشاصي وجميع ملحقاته
7-غاز وتيربو
8-تغيركيس وسلندر الوكاله
9-تغير الهيئه الاماميه
10- تغير المعاون
11-سب فريم
12-تغير الشفت الخلفي
13-ناقل الحركه (الجير) اوتوماتيك او شفتر

الفئه الثالثة 4 ملم
كل شي مسموح ماعدا:
1-كرنك اكبر من 4 ملم
2-تغير كيس الوكاله
3-تغير سلندر الوكاله
4-عدم تغير الشاصي او تخفيفه
5-الغاز والتيربو
6-كاربوريتر كحول

الفئه الرابعه 7ملم
كل شي مسموح ماعدا
1-غاز وتيربو
2-تغير شاصي الوكاله
3-تغير الكيس والسلندر الوكاله
4-كرنك اكبر من 7ملم

الفئه الخامسه 10ملم
كل شي مسموح ما عدا
1-غاز وتيربو
2-تغير الكيس السفلي (سوبر كيس المونيوم)
3-كرنك اكبر من 10 ملم

الفئه الاخيره المفتوح وطبعا من الاسم كل شي مسموح لو تركب ماكينه طياره |176|

يجب تواجد الفرامل الاماميه والخلفيه (البريك)
ولاصحاب العجلات الاماميه الصغيره نظرا لصعوبه وجود الفرامل الاماميه تم استثناء البريك الامامي ولكن بشرط وود البريك الخلفي

شرط السلامة:
1-الخوذه الواقيه للرأس
2-واقي الصدر
3-مفتاح الامان
4-الاحذيه المناسبه للسباق والملابس المناسبه للسباق
نتمنى نجاح هذه البطوله عرفانا لوالدنا المغفور له الشيخ جابر الاحمد الصباح طيب الله ثراه ونتمنى التوفيق لكل المشاركين وامتع الاوقات بين اخوانكم في بلدكم الثاني الكويت
والله ولي التوفيق....




تعبت |178|

[oscarq8]

عندي إستفسار عن البطولة هل هي أكيدة أولا لأنها تأجلت مرتين؟؟
akeedd 100%

[oscarq8]

اكيده


% 100

[مازن]

الله يعافيك Mr.Banshee