##مذكــــــــراااات موظف استعلامات##

[GLORY]

كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين.

المكالمه الاولى : شايب كبير السن
الموظف : الو... استعلامات الدليل محمد الــ...... مرحبا
المواطن : الو... ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا
الموظف : وين قريب منكم بالظبط
المواطن : ياخوي هنا جمبنا جارنا ماتعرفون رقمه
الموظف : ياعزيزي انا مادري انت وين بعد
المواطن : اقول والله ماعندك ماعند جدتي بس
طوط طوط انقطع الخط





المكالمه الثانيه : صوت ناعم
الموظف : الو... استعلامات الدليل محمد الــ...... مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف : اي فرع تبغون رقمه
الصوت الناعم : تدري ايش فيه فرع النسيم بايخ لآن البيتزا حقتهم توصل بارده وبعدين شكلها خبز تميس
الموظف : يموت من الضحك بس ساكت... طيب خوذي فرع العليا اجل
الصوت الناعم : ياخي ليه ماتضحك لايكون انت صاحب بيتزا هت... مالت عليكم وعلى دمك
طوط طوط انقطع الخط




المكالمه الثالثه : طفل يرفع الضغط
الموظف : الو... استعلامات الدليل محمد الــ...... مرحبا
الطفل : الووووووو عطني رقم وشسمه هذا. وشسمه ياربي؟؟؟ ايه حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد. ابي رقم هذا وشسمه؟؟؟ مانع فالح سامي
الموظف : طيب خذ رقمه ؟؟؟؟؟؟؟ ( مع انه ممنوع اكثر من اسم في مكالمه واحده )
الطفل : طيب ابي واحد ثاني هذا رقم ابو نادر عمي سعد
الموظف : اتصل مره ثانيه لانه ممنوع اكثر من رقم في اتصال واحد
الطفل : اقول وجع يوجع بطنك (الفاظ قبيحه) ترى مالك فضل انا ماكلمك مجاني اكلم بريالي
الموظف : يخرج من طوره ( اقول اسمع ............. طوط طوط قفل الخط





المكالمه الرابعه : كانت صوت ناعم
الموظف : الو... استعلامات الدليل محمد الــ...... مرحبا
الصوت الناعم : عوافي اخوي
الموظف : الله يعافيكم يارب........ ( اول مره احد يعطيه روح معنويه )
الصوت الناعم : لا انا قصدي ابغى مطعم عوافي اللي في العليا
الموظف : طيب خوذي الرقم ؟؟؟؟؟؟؟؟؟؟؟؟؟





المكالمه الخامسه : كانت صوت ناعم اوي
الموظف : الو... استعلامات الدليل محمد الــ...... مرحبا
الصوت الناعم : مرحبا اخوي ممكن تعطيني مستشفى العيون للولاده
الموظف : كيف؟؟؟؟؟
الصوت الناعم : مستشفى العيون للولاده تسمع يا اصقه
الموظف : يبي يصرفها المكالمه مسجله طبعا ( هذا رقمه غير معلن )
الصوت الناعم : طيب ظف وجهك
طوط طوط انقطع الخط





المكالمه السادسه : كان صوت ناعم.. بنت
الموظف : الو... استعلامات الدليل محمد الــ...... مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها
الصوت الناعم : ماهي زينه مايبيعون الا فقس
طوط طوط انقطع الخط





المكالمه السابعه : كانت فتاه ايضا
الموظف : الو... استعلامات الدليل محمد الــ...... مرحبا
الفتاه : عيوني
الموظف : بلا هالكلام ايش تبغين........... ( عشان المكالمه مراقبه )
الفتاه : لا انا ابي محل عيوني للعدسات والنظارات اللي في التحليه
الموظف : ايش اسمه عيوني
الفتاه : لا مو عيونك عيوني انا ياعيوني
الموظف : خوذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ههههههههه عندها بنات يضحكون


الموظف طلع وترك الدوام وراح يشرب له عصير ليمون وحبتين بندول

مسكيييييييييييين قطع قلبي والله رحمته


تحياااااااتي لكم
منقول

[Bringee]

بنت الاصول مشكوره على المشاركة
فعلا حقين الاتصالات يتعرضون لا اشياء غريبه مره اصوت لواحد من الشباب وكان غافل قال معك افلان مرحبا مت ضحك المسكين يحسبه في 902 ههههههههه


برنجي

[هايابوسا]

اذكر مرة في جدة اتصلت على 905 باطلب رقم وانا اتكلم بالي مشغول في موضوع وبدال مااطلب رقم طلبت الظاهر حجز للرياض ..
المهم المأمور ارتفع ضغطه مليون (وطلعت يده من السماعه ولقط رقبتي ) وقال بعصبية تستهبل انت ووجهك؟؟
انا طقتني النفاضة .. وقلت له وشفيك عصبت يخوي تراني ماقصدت وانا اسف وغلطت! هدي اعصابك .. قال احسبك من اللي يتصلون يستهبلون .. الزبده تعرفنا على بعض وفي المناسبات يتصل ويسلم ويسأل .. وصرنا حبايب.

[GLORY]

مشكووووووووور برينجي على المشاركه الحلوه:D

============================

هههههههههه حلوه يا هايابوسا ههههههه وشكرا على المشاركه

======================================

[هايابوسا]

هههه
عفوا بنت الأصول موضوعك احلا .

[بنت نجد]

وخيتي بنت الأصوولNZ تسلمين على مشاركتك وبمناسبة هذا الحدث أرفقتلك ملف اسمعيه وشوفي وش يعانون من جد حقون 902
أتمنى انه يعجبك




وسلاااااااااااااااااااامي :D :D :D :D

[GLORY]

تسلم على كلامك الحلو يا اخوي هايابوسا..;)

==========================

اختي بنت نجد تسلمين على مشاركتك حلوه..

بس وش ذا هشام:eek: والله انه واطي:confused:

من جد يتكلم ولا يستهبل؟؟؟؟!!

[بنت نجد]

هلا أوخيتي بنت الأصوولNZ ترى المكالمة صدقية وهشام هذا مايستهبل أبد .... عاد وش يسوي شكل الهاتف طلع عيونه عشان يرجعون خطه :) :) :)

[هايابوسا]

ههههههههههههههههههههههههه
والله خربها ..
بس ماينلام ترى الهاتف دايم كذه لو بنت خلص موضوعها في ساعه.

[GLORY]

هههههههههه بس مهما كان...الاحترام مطلوب:D

============================

تسلمين مره ثانيه على مشاركتك بنت نجد

ومره ثانيه مشكوووووووووور اخوي هايابوسا:D

احترامي وتقديري لكم,,,

[خيال]

هههههههههههههه الله يرجهم هبلوبه...

والله مالهم حق...

عندنا في الامارات بنت...

لو في السعوديه الله المستعان

تحياتي
خ ي ا ل

[GLORY]

مشكووووووووور اخوي خيال على المشاركه,,,:)

احترامي وتقديري لك,,,